राष्ट्रिय फोटो पत्रकार बागमती प्रदेशको अध्यक्षमा सिलवाल

मकवानपुर । राष्ट्रिय फोटो पत्रकार समूह बागमती प्रदेशको पहिलो अधिवेशन सम्पन्न भएको छ। शनिबार चितवनको सौराहामा भएको अधिवेशनले अध्यक्षमा नारायण सिलवाल निर्विरोध निर्वाचित गरेको छ । समूहको उपाध्यक्षमा मकवानपुरका कपिल खड्का, सचिवमा नुवाकोटका राजेन्द्र गजुरेल, कोषाध्यक्षमा सदिक्षा न्यौपाने निर्विरोध निर्वाचित भएका छन् ।

त्यस्तै, सदस्यहरुमा क्रमशः मनिश दुवाडी (धादिङ), बलवीर भुजेल (सिन्धुली), सागर गिरी (चितवन), सन्तोष वास्ताकोटी (चितवन) र नवराज श्रेष्ठ (रामेछाप) निर्विरोध निर्वाचित भएका छन् । त्यस्तै, सोही समूहले आयोजना गरेको २ दिने फोटो पत्रकारिता तालिम पनि सम्पन्न भएको छ । सहभागीहरूलाई राष्ट्रिय फोटो पत्रकार समूहका केन्द्रीय अध्यक्ष प्रदिपराज वन्त, महासचिव नवराज श्रेष्ठ, वरिष्ठ फोटो पत्रकार सुनिल शर्माले फोटो पत्रकारिता सम्बन्धि आधारभूत तालिम प्रदान गरेका थिए ।

राष्ट्रिय फोटो पत्रकार समूह बागमती प्रदेशको आयोजना गरेको २ दिने फोटो पत्रकारिता तालिम समापनपछि तस्वीर खिचाउँदै सहभागीहरू तालिममा बागमती प्रदेशका १३ वटा जिल्लाबाट ३० पत्रकारहरुको सहभागिता रहेको थियो । तालिममा सहभागीहरुलाई बागमती प्रदेश अध्यक्ष सिलवाल, केन्द्रीय अध्यक्ष वन्त र सल्लाहकार गिरिजा अधिकारीले प्रमाणपत्र प्रदान गरेका थिए ।