हाजिरीजवाफमा नारायणगढ प्रथम

मकवानपुर, २ पुस । रोट्रयाक्ट डिष्ट्रिकको आयोजना तथा रोट्रयाक्ट क्लब अफ मकवानपुर र रोट्रयाक्ट क्लब अफ चितवनको सहआयोजनमा जोन २ अन्तरगत रहेका क्लबहरुबीच हाजिरीजवाफ प्रतियोगितमा सम्पन्न भएको छ ।

प्रतियागितामा रोट्र्याक्ट क्लब अफ नारायणगढ प्रथम, रोट्र्याक्ट क्लब अफ रत्ननगर दोश्रो र रोट्र्याक्ट क्लब अफ बीरगञ्ज मेट्रोपोलिस ‘ए’ को टोली तेश्रो भएका थिए । कार्यक्रममा प्रथम हुने समूहले चितवनमा हुने डिष्ट्रिक कन्फरेन्समा हुने अन्तिम चरणको प्रतियोगितामा सहभागिता जनाउने छन् । रोट्रयाक्ट डिष्ट्रिक अन्तरगत रहेका १२ वटा जोनका विजयी भएका समूहबीच प्रतिष्पर्धा हुनेछ ।

प्रतियोगितामा जोन २ मा रहेका ९ वटा क्लब मध्ये ८ वटा क्लबले सहभागिता जनाएका थिए । रोट्रयाक्ट क्लब अफ मकवानपुर, रोट्रयाक्ट क्लब अफ हेटौंडा, रोट्रयाक्ट क्लब अफ चितवन, रोट्रयाक्ट क्लब अफ नारायणी मिड टाउन, रोट्रयाक्ट क्लब अफ भरतपुर, रोट्रयाक्ट क्लब अफ रत्ननगर, रोट्रयाक्ट क्लब अफ नारायणगढका १–१ समूह र रोट्रयाक्ट क्लब अफ बीरगञ्ज मेट्रोपोलिसको २ वटा समूह गरी जम्मा ९ वटा समूहले सहभागिता जनाएका थिए ।
रोट्रयाक्ट क्लब अफ मकवानपुरका संस्थापक अध्यक्ष गणेशदर्पण अधिकारीको प्रमुख आतिथ्यता एवम् जोन २ का सचिव रविन बस्नेतको सभाध्यक्षतामा कार्यक्रम भएको हो ।