हेटौंडाका युवा व्यवसायी गौतमद्वारा विद्यार्थीलाई पोशाक सहयोग

मकवानपुर । हेटौंडा उपमहानगरपालिका वडा नम्वर ७ नवज्योति माविमा अध्ययनरत विद्यार्थीहरुलाई पोशाक सहयोग गरिएको छ । हेटौंडाका युवा व्यवसायी रामशरण गौतमले उक्त विद्यालयमा अध्ययनरत एक सय जना विपन्न विद्यार्थीलाई पोशाक सहयोग गरेका हुन् ।

इच्छा मनकामना डेभलपर्स प्रालिका संचालक गौतमले सोमबार एक कार्यक्रमबीच नर्सरीदेखि कक्षा ५ सम्मका विपन्न विद्यार्थीलाई पोशाक सहयोग गरेका हुन् । उनले विद्यालयमै पुगेर शिक्षक, अभिभावक, जनप्रतिनिधिको उपस्थितिमा कपडा वितरण गरेका हुन् ।