अपडेट : हेटौंडामा अनलाइन जुवा खेल्ने ११ जनाको नाम सार्वजनिक (नामावलीसहित)

मकवानपुर । मकवानपुर प्रहरीले अनलाइन जुवा खेल्ने ११ जनाको नाम सार्वजनिक गरेको छ । प्रहरीले हेटौंडा उपमहानगरपालिका वडा नम्वर ४ कमलडाँडा स्थित कुलदिप पाठकले कोठा लिएर राखेको सूर्य प्रसाद टेक्नोलोजि प्रा.लि.मा पैसाको हारजित हुनेगरी अनलाइन जुवा खेल्ने ११ जनाको नाम मंगलबार सार्वजनिक गरेको हो ।

पक्राउ पर्नेहरुमा क्रमशः हेटौंडा–९ लामसुरे बस्ने २३ वर्षीय निसान आचार्य, हेटौंडा–४, कमलडाँडाको २४ वर्षीय राजीव गौतम, हेटौंडा–१४ चुरियामाईका २४ वर्षीय निमा थिङ, हेटौंडा–१२, पदमपोखरीका २३ वर्षीय विकास बल, मनहरी–४, मसिनेका २० वर्षीय जोसिल खत्री, गोरखा पालुङटार–७ का २२ वर्षीय डुलास तामाङ, २१ वर्षीय तिकमान तामाङ, अमोश तामाङ र बारा निजगढ–४ का २० वर्षीय अर्पण खड्का रहेका छन् ।

विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले उनीहरुलाई सोमबार पक्राउ गरेको हो । प्रहरीले उनीहरुको साथबाट प्रहरीले अनलाइन जुवा खेल्न प्रयोग भएका विभिन्न कम्पनीका १ सय १० थान मोबाइल, ३ थान ल्याप्टप, ५ थान कम्युटर र नगद १ लाख ४५ हजार ७५ रुपैयाँ बरामद गरेको छ ।

उक्त घटनामा संmलग्न रहेका कुलदीप पाठक भने हाल फरार छन् । उनको खोजी कार्य रहनुका साथै घटनाको बारेमा प्रहरीले आवश्यक अनुसन्धान गरिरहेको प्रहरीले जनाएको छ ।