संसदीय विशेष समितिले जनार्दन शर्मालाई छलफलमा बोलायो

काठमाडौं । करको दर हेरफेरमा अनधिकृत व्यक्तिको संलग्नताबारे छानबिन गर्न बनेको संसदीय विशेष समितिले तत्कालीन जनार्दन शर्मासँग छलफलका लागि बोलाएको छ । समितिको मंगलबार बसेको बैठकले शर्मालाई बोलाएर छलफल गर्ने निर्णय गरेको हो ।

समितिको बैठकले भोलि (बुधबार) पूर्व अर्थ सचिवहरुसँग छलफल गर्ने निर्णय गरेको समितिका सचिव सुरेन्द्र अर्यालले जनकारी दिए । लगतै यसबारे समाचार लेखेका दुई सञ्चारमाध्यम अन्नपूर्ण पोष्ट र कान्तिपुरका सम्पादकलाई बोलाइएको छ । त्यसपछि तत्कालीन अर्थमन्त्री शर्मासँग छलफल गर्ने निर्णय भएको एक नेताले बतायो ।

आर्थिक वर्ष २०७९/८० को बजेट निर्माणका क्रममा अनधिकृत व्यक्तिलाई संलग्न गराएर करको दर हेरफेर गरेको भन्दै प्रमुख प्रतिपक्षी नेकपा एमालेले संसदमा विरोध गरेको थियो । सत्तारुढ दलहरुबाटै समेत प्रश्न उठेपछि संसदले गत असार २२ गते विशेष समिति बनाएको थियो । शर्माले सोही दिन अर्थमन्त्री पदबाट राजीनामा दिएका थिए ।