अनेम संघ क्रान्तिकारी मकवानपुरको छैठौं पूर्ण बैठक सम्पन्न

मकवानपुर । अखिल नेपाल महिला संघ क्रान्तिकारी मकवानपुरको छैठौं पूर्ण बैठक सम्पन्न भएको छ । बुधबार जिल्ला पार्टी कार्यलय हेटौंडामा बसेको बैठक विभिन्न महत्वपूर्ण निर्णय गर्दै सम्पन्न भएको हो ।

बैठकले विशेषतः असोज १ गतेदेखि हुने पार्टीको नवौं महाधिवेशन लक्षित विविध कार्यहरु अगाडि बढाउने निर्णय गरेको छ । साथै देशको राष्ट्रिय स्वाधीनता, जनजीविका, महंगी, कालोबजारी, भ्रष्टाचार, समाजमा व्याप्त विकृति विसंगति र महिला हिंसाको विरुद्ध निरन्तर संघर्षका कार्यक्रमहरु गर्ने निर्णय पनि गरेको छ ।

बैठक अनेम संघ क्रान्तिकारी मकवानपुरका अध्यक्ष सुशीला सिङ्तानको अध्यक्षता एवम् अनेम संघ क्रान्तिकारीका केन्द्रिय महासचिव राजकुमारी शाहीको प्रमुख आतिथ्यतामा सम्पन्न भएको हो ।