यू–१७ साफ उपाधिका लागि आज नेपाल र भारत भिड्दै

काठमाडौं । साफ यू–१७ च्याम्पियनसिप फुटबलको फाइनल खेल आज हुँदैछ । आज हुने फाइनल खेलमा नेपाल र भारतबीच प्रतिस्पर्धा हुँदैछ । कोलम्बोको रेस कोर्स ग्राउण्डमा हुने नेपाल र भारतबीचको फाइनल खेल राति ८ः१५ बजे सुरु हुनेछ ।

आजको खेलमा जित निकाल्दै नेपाल उपाधि रक्षा गर्ने योजनामा छ । नेपालले यसअघि भएको सेमिफाइनल खेलमा श्रीलंकालाई ६–० गोल अन्तरले हराएको थियो । यता साविकको विजेता भारत पनि उपाधि उचाल्ने योजनामा छ ।