दुर्घटनामा परेर युवकको मृत्यु

धनगढी । कैलालीमा मोटरसाइकल दुर्घटना हुँदा एक जनाको मृत्यु भएको छ । लम्कीचुहा नगरपालिका–७ को हरैया पुलस्थित भित्री सडकखण्डमा प्रदेश २–०२००३ प ७६७९ नम्वरको मोटरसाइकल दुर्घटना हुँदा एक जनाको मृत्यु भएको हो ।

मृत्यु हुनेमा स्थानीय ३२ वर्षीय विवेक महत रहेको जिल्ला प्रहरी कार्यालय धनगढीले जनाएको छ । प्रहरीका अनुसार, दुर्घटनामा परेर चालक ३६ वर्षीय सुनिल कुश्मी भने सामान्य घाइते छन् । मोटरसाइकल आफैं अनियन्त्रित भई दुर्घटना भएको हो । उक्त घटनाको बारेमा आवश्यक अनुसन्धान भइरहेको जनाएको छ ।