हेटौंडा–४ का परियारलाई सिलाई मेसिन हस्तान्तरण

मकवानपुर । हेटौंडा उपमहानगरपालिकाले दैनिक जिवनयापनमा समस्या व्यहोर्दै आएका परिवारलाई सिलाई मेसिन हस्तान्तरण गरेको छ । उपमहानगरपालिकाले हेटौंडा–४ मा रहेर सिलाई कटाईको काम गर्दै दैनिक जिवनयापन गरिरहेका लादरसिं परियारलाई अनुदानस्वरुप सिलाई मेसिन हस्तान्तरण गरिएको हो ।

करिब १२ हजार रुपैयाँ बराबरको उक्त मेसिन मंगलबार हेटौंडा उपमहानगरपालिकाकी प्रमुख मिनाकुमारी लामाले परियारलाई हस्तान्तरण गरेका हुन् ।

मेसिन हस्तान्तरण गर्दै नगर प्रमुख लामाले आयआर्जन गरी जीवनयापनमा सहजता सिर्जना हुने अपेक्षा गरेको बताइन् ।

यस्तै, उपमहानगरपालिकाले हेटौंडा–१५ की सुमिना पाख्रिनलाई साईकल हस्तान्तरण गरेको छ । उच्च शिक्षा अध्ययनका लागि हेटौंडा बजारसम्म आउन सहजताका लागि सहयोगस्वरुप साइकल हस्तान्तरण गरिएको नगर प्रमुखको सचिवालयले जनाएको छ ।