गैँडाको आक्रमणबाट तामाङको मृत्यु

चितवन । पूर्वी चितवनमा आज बिहान गैँडाको आक्रमणबाट एक जनाको मृत्यु भएको छ । मृत्यु हुनेमा रत्ननगर नगरपालिका वडा नं ९ का ६० वर्षीय चन्द्रबहादुर तामाङ रहेका छन् ।

चितवन राष्ट्रिय निकुञ्जका अनुसार, बिहान बाटोमा हिँड्ने क्रममा रत्ननगर–९ लालपर्सा नजिक उनलाई गैँडाले आक्रमण गरेको हो ।

बिहान ६ बजेको समयमा तामाङ मृतावस्थामा भेटिएको र घटनाको प्रकृति एवम् चोट हेर्दा गैँडाको आक्रमण गरेको देखिएको निकुञ्जले जनाएको छ ।