दुर्घटनामा परेर ट्याक्टर चालकको मृत्यु

सप्तरी । सप्तरीको बोदेबर्साईन नगरपालिका–३ सारसरमा ट्याक्टर पल्टिएर दुर्घटना हुँदा एक जनाको मृत्यु भएको छ । मृत्यु हुनेमा ट्याक्टर चालक बोदेबर्साईन–१ धनगढी बस्ने अन्दाजी २२ वर्षीय पङ्कज यादव रहेका छन् ।

आइतबार बिहान सारसर पुवारी टोलस्थित भित्री सडकखण्डमा सारसरबाट धनगढीतर्फ जाँदै गरेको प्र–२–०१–००१ त २५१७ नम्बरको ट्याक्टर अनियन्त्रित भई पल्टिँदा यादवको घटनास्थलमै मृत्यु भएको सप्तरी प्रहरीले जनाएको छ ।

उक्त घटनाको बारेमा प्रहरीले आवश्यक अनुसन्धान गरिरहेको जनाइएको छ ।