प्रणामी व्यवसायी संघद्वारा शुभकामना आदानप्रदान एवम् परिचयात्मक कार्यक्रम

मकवानपुर । प्रणामी व्यवसायी संघ नेपालको मुख्य कार्यालय, हेटौंडाले शुभकामना आदानप्रदान, चियापान तथा परिचयात्मक कार्यक्रमको आयोजना गरेको छ ।

संघले नयाँ वर्ष २०८० सालको पावन अवसरमा बिहीबार उक्त कार्यक्रमको आयोजना गरेको हो । कार्यक्रम संघका अध्यक्ष विष्णुप्रसाद वाग्लेको सभाध्यक्षता एवम् प्रणामी व्यवसायी संघको केन्द्रीय सल्लाहकार अर्जुनप्रसाद वाग्लेको प्रमुख आतिथ्यतामा भएको हो ।

हेटौंडा उपमहानगरपालिका वडा नम्वर ४ स्थित सगरमाथा पार्टी प्यालेसमा भएको कार्यक्रमको सहजीकरण संघका केन्द्रीय महासचिव प्रमोद वाग्लेले गरेका थिए भने संघका केन्द्रीय उपाध्यक्ष कृष्णप्रसाद घिमिरेले स्वागत मनतव्य व्यक्त गरेका थिए ।

कार्यक्रममा बारा, रौतहट, मकवानपुर, सर्लाही, मोरङका प्रणाली व्यवसायी संघका जिल्ला समितिको उपस्थिति रहेको थियो ।

सो क्रममा मोरङ जिल्ला समितिले संस्थाको लोगोसहितको ज्याकेट तयारी गरी केन्द्रीय समितिलाई हस्तानतरण गरिएको थियो ।

कार्यक्रममा संघका केन्द्रीय सल्लाहाकार गुञ्जनबहादुर न्यौपाने, मकवानपुर जिल्ला अध्यक्ष विनोद पुडासैनी, बारा जिल्ला अध्यक्ष जुगल किशोर लामिछाने, रौतहत जिल्ला अध्यक्ष राजकुमार बजगाईँ र मोरङ जिल्ला अध्यक्ष देवी पौडेलले मनतव्य व्यक्त गरेका थिए ।