आज रातिदेखि जमुनाह नाका ७२ घण्टासम्म बन्द हुने

बाँके । नेपाल–भारत सीमास्थित जमुनाह नाका आज रातिदेखि बन्द हुने भएको छ । भारत उत्तर प्रदेशको बहराइच जिल्लामा हुने गाउँ पञ्चायत निर्वाचनका कारण आज रातिदेखि ७२ घण्टासम्म जमुनाह नाका बन्द हुन लागेको हो ।

आगामी बैशाख २१ मा भारत, उत्तर प्रदेशमा गाउँ पञ्चायत निर्वाचन हुँदैछ । जिल्ला प्रहरी कार्यालयका अनुसार, आज राति १२ बजेदेखि बैशाख २१ गते साँझ ६ बजेसम्म नेपाल–भारत आवतजावत पुर्ण रुपमा बन्द हुनेछ ।

सोमबार निर्वाचनको सुरक्षा प्रयोजनका लागि ७२ घण्टाका लागि सीमा नाका बन्द गर्ने विषयमा नेपाल–भारत सुरक्षा अधिकारीको बैठक बहराइचमा बसेको थियो ।