दार्चुलाको हिमपहिरोमा बेपत्ता भएका थप १ जनाको शव फेला

काठमाडौं । दार्चुलाको हिमपहिरोमा पुरिएर बेपत्ता भएका थप एक जनाको शव फेला परेको छ । जिल्लाको ब्यास गाउँपालिकामा हिमपहिरोमा बेपत्तामध्ये ईश्वरी थापाको शव फेला परेको सशस्त्र प्रहरीले जनाएको छ ।

२८ वर्षीया ईश्वरी डोटीको जोरायल गाउँपालिका–२ की स्थानीय हुन् । सशस्त्र प्रहरी बल नम्बर–५० गुल्म छाङरुबाट खटिएको टोलीले घटनास्थलबाट शव निकालेर पोष्मार्टमका लागि अस्पताल पठाएको जनाइएको छ ।

यसअघि सो ठाउँमा ३ जनाको शव फेला परेको थियो ।