बझाङको हिउँ पहिरोमा बेपत्ता भएका २ जनाको शव फेला

बझाङ । बझाङमा गएको हिउँ पहिरोमा परेर बेपत्ता भएका २ जनाको शव फेला परेको छ । आइतबार माथिबाट आएको हिउँ पहिरोमा परी यार्सा सङ्कलन गर्न गएका क्रममा बेपत्ता भएका जय पृथ्वी नगरपालिका–११ घर भएका वर्ष १८ को रमिता धामी र वर्ष १४ को जामती धामीको आज शव फेला परेको हो ।

जिल्ला प्रहरी कार्यालय बझाङका अनुसार, सुर्मा गाउँपालिका–२ को धानसेरा भन्ने लेकमा गएको हिउँ पहिरोमा परी सोही गाउँपालिका वडा नम्बर ३ की ३८ वर्षिया रामकोइला देवी बोहराको भने हिजो नै शव फेला परेको थियो ।

यस्तै, घटनामा सुर्मा गाउँपालिका–३, बाबजी बोहरा र जय पृथ्वी नगरपालिका–११ घर भएका आकाश धामी घाइते भएका छन् ।