चरेशसहित एक जना पक्राउ
तु खबर संवाददाता२०८० जेष्ठ १३,शनिबार १५:२८
पर्सा । पर्साको कालिकामाई गाउँपालिका–१ बाट शुक्रबार अवैध लागूऔषध चरेश १० किलोग्रामसहित प्रहरीले एक जनालाई पक्राउ गरेको छ । पक्राउ पर्नेमा सोही ठाउँ बस्ने २१ वर्षीय अनिल पासवान रहेका छन् ।
उनलाई प्रहरी चौकी आशवारीबाट खटिएको प्रहरीले पक्राउ गरेको हो । प्रहरीले बीआर २२ एटि ८४९८ नम्बरको मोटरसाइकल जाँच गर्ने क्रममा २० वटा प्याकेटमा रहेको उक्त चरेश फेला पारी उनलाई पक्राउ गरेको हो ।
पक्राउ परेका उनीमाथि प्रहरीले आवश्यक अनुसन्धान गरिरहेको जनाएको छ ।
