लायन्स क्लबको आयोजनामा रक्तदान कार्यक्रम

मकवानपुर । लायन्स क्लब अफ मकवानपुर हेल्प डेस्कले हेटौंडामा रक्तदान कार्यक्रमको आयोजना गरेको छ । लायन्सको नियमित कार्यक्रम अन्तरगत रक्तदान कार्यक्रम आयोजना गरिएको हो ।

कार्यक्रम लायन्स क्लब अफ मकवानपुर हेल्प डेस्कका अध्यक्ष ध्रुबराज ढकालको अध्यक्षता तथा बागमती प्रदेश सभा सदस्य लक्ष्मी श्रेष्ठको प्रमुख आतिथ्यमा भएको हो ।

कार्यक्रममा इलेक्ट फर्स्ट भाईस डिस्ट्रिक्ट गभर्नर टासी डोल्मा तुम्बाहाम्फे, पास्ट डिस्ट्रीक्ट गभर्नर शम्भु नकर्मीको विशेष आतिथ्य रहेको थियो ।

रक्तसञ्चार केन्द्र हेटौंडाको प्राविधिक सहयोगमा भएको कार्यक्रममा ३२ जनाले रक्तदान गरेका थिए ।