घर भत्किँदा एक जनाको मृत्यु

दिपायल । डोटीमा गएराति घर भत्किँदा एक जना महिलाको मृत्यु भएको छ । जिल्लाको दिपायल सिलगढी नगरपालिका–५, गैरामा घर भत्किँदा स्थानीय ३० वर्षीया गङ्गा मालासीको च्यापिएर मृत्यु भएको प्रहरीले जनाएको छ ।

प्रहरीका अनुसार, गएराति एक तल्ले घर भत्किँदा सुतिरहेकी मलासीको च्यापिएर मृत्यु भएको हो । डोटीका प्रहरी नायव निरीक्षक आनसिंह धामीको नेतृत्वमा १० जनाको टोलीले राति नै उद्धारको प्रयास गरे पनि मलासीको शव आज बिहान मात्र निकाल्न सकेको जनाइएको छ ।