जेसिबीको ठक्करबाट बालकको ज्यान गयो

बागलुङ । बागलुङको बडिगाड गाउँपालिका–७ मा सोमबार जेसिबीको ठक्करबाट एक बालकको ज्यान गएको छ ।

बडिगाड–७ स्थित भत्रेनीदेखि सोइरेनीसम्म कच्ची सडकखण्ड खन्ने क्रममा जेसिबीले ठक्कर दिँदा स्थानीय १४ वर्षीय सुनिल घर्तीको ज्यान गएको जिल्ला प्रहरी कार्यालय बागलुङले जनाएको छ ।

प्रहरीका अनुसार, जेसिबीको ठक्करबाट घर्तीको घटनास्थलमै ज्यान गएको हो । मृतक बालकको शव पोष्टमार्टमको लागि बुर्तिबाङ अस्पतालमा लगिएको छ ।

ठक्कर दिने लु १ क ४३८६ नम्बरको जेसिबी र चालक २१ वर्षीय प्रकाश नेपालीलाई प्रहरीले नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।