चट्याङ लागेर वडा सदस्यको मृत्यु
तु खबर संवाददाता२०८० श्रावण ५,शुक्रबार १६:४५
रोल्पा । रोल्पामा गएराति चट्याङ लागेर एक वडा सदस्यको मृत्यु भएको छ ।
जिल्लाको सुनछहरी गाउँपालिका–३ कुइपाधाराका वडा सदस्य ४९ वर्षीय दिलबहादुर घर्ती मगरको चट्याङ लागेर मृत्यु भएको प्रहरीले जनाएको छ ।
प्रहरीका अनुसार, मृतक घर्तीमगरलाई आफ्नो कान्छो भाइको घरमा सुतेको बेला चट्याङ लागेको थियो । उक्त घटनाको बारेमा आवश्यक अनुसन्धान भइरहेको छ ।
