सप्तरीमा एक युवकको हत्या

सप्तरी । सप्तरीमा एक युवकको हत्या भएको छ भने अर्का एक युवक घाइते छन् ।

जिल्लाको हनुमाननगर कंकालिनी नगरपालिका–१० इनर्वामा स्थानीय २१ वर्षीय तिर्कनारायण मण्डलको शव आज बिहान घर नजिकै हिलोमा फेला परेको सप्तरी प्रहरीले जनाएको छ ।

मृतक तिर्कनारायणको स्थानीयले आज बिहान ६ बजेतिर शव देखेपछि प्रहरीलाई जानकारी गराएका थिए ।

यस्तै, अजय मण्डल नामका अर्का युवक भने घाइते अवस्थामा फेला परेको छ । उक्त घटनाबारे अनुसन्धान गरिरहेको उनले बताए ।