प्रावि शिक्षकको विषयगत परीक्षा असोज १३ गते हुने

काठमाडौं । शिक्षक सेवा आयोगले प्राथमिक तह (प्रावि) शिक्षक पदको परीक्षा आगामी असोज १३ गते हुने भएको छ ।

आयोगले असोज ६ गते तोकिएको विषयगत परीक्षा एक सूचना जारी गर्दै असोज १३ गतेलाई सारेको जानकारी गराएको हो ।

शिक्षक सेवा आयोगले लोकसेवा आयोगले लिने खरिदार पदको परीक्षासँग जुध्न गएकाले १३ गतेलाई सारिएको जानकारी दिएको छ । परीक्षा हुने समय र स्थान भने परिवर्तन गरिएको छैन ।

आयोगले प्रावि तहमा शिक्षक पदको लागि ६ हजार १३ रिक्त दरबन्दीमा पदपूर्तिका लागि परीक्षा संचालन गर्न लागेको हो ।