धनुषामा बाढीः श्रीमान र श्रीमती बेपत्ता
तु खबर संवाददाता२०८० श्रावण २३,मंगलवार १७:५६
धनुषा । अविरल वर्षाका कारण धनुषाको कमला नदीमा आएको बाढीले बगाउँदा एक दम्पती बेपत्ता भएका छन् ।
बेपत्ता हुनेमा गणेशमान चारनाथ नगरपालिका वडा नम्वर ७ बस्ने वर्ष ३५ का साजन परियार र उनकी श्रीमती वर्ष ३० की माया परियार छन् ।
आज दिउँसो १ बजे उनीहरुलाई नदीले बगाएको जिल्ला प्रहरी कार्यालय धनषाका प्रहरी निरीक्षक बिक्रम साहले जानकारी दिए ।
कमला ब्यारेज नजिक नदीबाट दाउरा टिपेर घर फर्किने क्रममा दुबैजनालाई बाढीले बगाएको र खोजीकार्य जारी रहेको प्रहरी निरीक्षक साहले बताए ।