महोत्तरीमा खोलाले बगाउँदा एक जना बेपत्ता
तु खबर संवाददाता२०८० श्रावण २४,बुधबार ०८:३४
जलेश्वर । महोत्तरीको सोनमा गाउँपालिकामा मंगलबार साँझ खोलाले बगाउँदा एक जना बेपत्ता भएका छन् । बेपत्ता हुनेमा सोनम–१ का ३८ वर्षीय जाबिर अन्सारी रहेका छन् ।
मरहा खोलाले बगाउँदा उनी बेपत्ता भएको जिल्ला प्रहरी कार्यालय महोत्तरीले जनाएको छ । नेपाल प्रहरी, सशस्त्र प्रहरी र स्थानीयवासीले उनको खोजी गरिरहेका छन् ।
