खोलाले बगाउँदा एक जना वृद्धा बेपत्ता

दाङ । दाङमा खोलाले बगाउँदा एक जना वृद्ध बेपत्ता भएका छन् । बेपत्ता हुनेमा जिल्लाको घोराही उपमहानगरपालिका–११ स्थित झमरेका ६४ वर्षीय तिलकराम विक रहेका छन् ।

घोराही बेलझुण्डी नजिकैको पत्रे खोलाले बगाउँदा उनी बेपत्ता भएको जिल्ला प्रहरी कार्यालय दाङले जनाएको छ । प्रहरीका अनुसार, अरु दिन झैं दिसा गर्न खोला किनारामा गएका विक अबेरसम्म पनि नफर्किएपछि परिवारका सदस्य खोजी गर्दै खोलासम्म पुगेका थिए ।

सो क्रममा खोला किनारामा उनको छाता, चश्मा र लठ्ठी फेला परेको थियो । उनको खोजी कार्य भइरहेको प्रहरीले जनाएको छ ।