अवैध गाँजासहित हेटौंडाका स्याङतान र घलान पक्राउ

मकवानपुर । बारा प्रहरीले लागूऔषधसहित बिहीबार दिउँसो दुई जनालाई पक्राउ गरेको छ । प्रहरीले जिल्लाको कोल्हबी नगरपालिका–२ भलुवाईखोरबाट २५ किलोग्राम लागूऔषध गाँजासहित हेटौंडाका दुई जनालाई पक्राउ गरेको हो ।

पक्राउ पर्नेहरुमा मकवानपुरको हेटौंडा उपमहानगरपालिका–१६ बस्ने ४३ वर्षीय रुद्र बहादुर स्याङतान र सोही उपमहानगरपालिका–१ बस्ने ३१ वर्षीय कुमार घलान रहेका छन् । उनीहरुलाई अस्थाई प्रहरी पोष्ट बाराबाट खटिएको प्रहरीले पक्राउ गरेको हो ।

प्रहरीका अनुसार, तामागढीबाट कोल्हबीतर्फ आउँदै गरेको ना.२ ह २२२१ नम्बरको टेम्पुलाई जाँच गर्ने क्रममा ईन्जिनको भागमा बाँधी लुकाई छिपाई ५ वटा पोकामा राखेको उक्त परिमाणको गाँजा बराबद भएपनि निजहरुलाई पक्राउ गरिएको हो ।

पक्राउ परेका रूद्ध बहादुर टेम्पो चालक हुन् भने र कुमार टेम्पोमा सवार थिए । पक्राउ परेका उनीहरुमाथि प्रहरीले आवश्यक अनुसन्धान गर्नुका साथै कानूनी प्रकृया अगाडि बढाइएको छ ।