१९ औं एसियाडमा नेपाली पब्जी टोली सेमिफाइनलमा प्रवेश
तु खबर संवाददाता२०८० आश्विन १२,शुक्रबार १६:४६
हान्झाउ । चीनको हान्झाउमा जारी १९ औं एसियाड अन्तर्गत इस्पोर्ट्सको पिस एलिस एसियन गेम्स भर्सन (पब्जी) मोबाइलमा नेपाली टोली सेमिफाइनलमा प्रवेश गरेको छ ।
शुक्राबार चाइना हाङझाउ इस्पोर्ट्स सेन्टरमा एलिमिनेसन राउण्ड (क्वाटरफाइनल) खेलमा आफ्नो समूहमा दोस्रो हुँदै नेपाली टोली सेमिफाइनलमा प्रवेश गरेको हो ।
अन्य सामान्य गेमभन्दा फरक शैलीको यस खेलमा सेमिफाइनलमा दुई समूहमा चार–चार टिमले प्रतिस्पर्धा गर्नेछन् ।
नेपाली टिमले शुक्रबार ५४ मिनेट ०४.८४२ सेकेण्डको टाइमिङ निकाल्दै समूह सी मा दोस्रो भएको हो । यस समूहमा हङकङ शीर्ष स्थानमा रहँदै सेमिफाइनल पुगेको छ ।