चीनका पूर्व प्रधानमन्त्री ली खछ्याङको निधन

काठमाडौं । चीनका पूर्व प्रधानमन्त्री ली खछ्याङको निधन भएको छ । चिनियाँ कम्युनिस्ट पार्टीको १७ औँ, १८ औँ र १९ औँ केन्द्रीय समितिका राजनीतिक ब्यूरोका स्थायी समितिका सदस्यसमेत रहेका लीको हृदयाघातका कारण निधन भएको हो ।

पछिल्ला दिनहरुमा सांघाईमा आराम गरिरहेका ६८ वर्षीय लीलाई बिहीबार अचानक हृदयाघात भएको थियो ।

सबै उद्धारका उपायहरू असफल भएपछि स्थानीय समय अनुसार गएराति १२ः१० मा उनलाई मृत घोषणा गरिएको थियो ।