हेटौंडा लेडी जेसीजले आयोजना गरेको वक्तृत्वकलामा सुनिल प्रथम

मकवानपुर । हेटौँडा लेडीले जेसीजको जेसीज सप्ताह–२०२३ अन्तर्गत आयोजित स्व. बुद्धरत्न शाक्य स्मृति वक्तृत्वकला प्रतियोगितामा सुनिल न्यौपाने प्रथम भएका छन् ।

हिजो बुधबार दिउँसो हेटौँडा क्याम्पसको सभाहलमा भएको प्रतियोगितामा सहभागी ५ मध्ये सुनिल प्रथम भएको सह–मुल कार्यक्रम संयोजक नम्रता श्रेष्ठले जानकारी दिइन् ।

देशको आर्थिक सुधारमा युवाको भूमिका” विषयक् वक्तृत्वकला प्रतियोगितामा कृतिका लौँडारी द्वितीय हुँदा उचित बजगाई तृतीय भएका हुन् ।

प्रतियोगितामा प्रथम, द्वितीय र तृतीय हुनेलाई आगामी शनिबार हुने जेसीज सप्ताहको समापन समारोहमा पुरस्कृत गरिनेछ । प्रतियोगितामा प्रथम, द्वितीय र तृतीय हुनेले क्रमशः ५ हजार, ३ हजार र २ हजार रुपैयाँ प्राप्त गर्नेछन् ।

वक्तृत्वकला प्रतियोगिता पवित्रा गुरुङको संयोजकत्वमा भएको हो । जेसीआई हेटौँडाकी अध्यक्ष डिलमाया घर्तीको अध्यक्षता तथा हेटौँडा क्याम्पस सञ्चालक समितिका अध्यक्ष आनन्दराम पराजुलीको प्रमुख आतिथ्यमा प्रतियोगिता भएको हो ।

कार्यक्रममा जेसीआई हेटौँडाका अध्यक्ष श्रवणकुमार बर्तौलालगायतको सहभागीता रहेको थियो ।