तनहुँमा ९२ वर्षीय वृद्ध बेपत्ता

तनहुँ । तनहुँमा एक वृद्ध बेपत्ता भएका छन् । ब्यास नगरपालिका–२ डाङग्रे खोल्सी बस्ने ९२ वर्षीय गणेशकुमार श्रेष्ठ बेपत्ता भएको प्रहरीले जनाएको छ ।

प्रहरीका अनुसार, बुधबार बिहान खान खाएर घरबाट निस्केका श्रेष्ठ अबेरसम्म घर नफर्केपछि उनको परिवार र छिमेकीले खोजतलास गर्ने क्रममा पञ्चमन्दिर नजिक सेती र मादी नदीको संगमस्थल किनारामा उनले लगाएको कपडा, चप्पल, लौरी, घडी र ज्येष्ठ नागरिक परिचय पत्र फेला परेको थियो ।

उनी नदीले बगाई बेपत्ता भएको हुनसक्ने प्रहरीको अनुमान रहेको छ । ती वृद्धको खोजीकार्य भइरहेको जनाइएको छ ।