प्राधिकरणद्वारा साढे १२ अर्बभन्दा बढीको विद्युत् निर्यात

काठमाडौं । नेपाल विद्युत् प्राधिकरणले पछिल्लो चार महिनामा साढे १२ अर्ब रुपैयाँ भन्दा बढीको विद्युत् निर्यात गरेको छ ।

प्राधिकरणले चालू आर्थिक वर्ष २०८०/०८१ को साउनदेखि कत्तिक महिनासम्म १२ अर्क ५० करोड ८ लाख रुपैयाँ बराबरको विद्युत् भारततर्फ निर्यात गरेको हो ।

प्राधिकरणले सो अवधिमा १ अर्ब ३६ करोड १२ लाख युनिट विद्युत् निर्यात गरेको हो ।

प्राधिकरणले जेष्ठ २८ गतेबाट देशभित्र खपत गरी बचत भएको वर्षायामको विद्युत् यस वर्ष गत भारतीय बजारमा बिक्री सुरु गरेको थियो ।

गत जेठदेखि कात्तिकसम्ममा १ अर्ब ६२ करोड १६ लाख युनिट विद्युत् निर्यात गरी १४ अर्ब ५० करोड २१ लाख रुपैयाँ आर्जन भएको प्राधिकरणले जनाएको छ ।