कटुवा पेस्तोलसहित एक जना पक्राउ
तु खबर संवाददाता२०८० मंसिर १६,शनिबार ०८:५८
जनकपुरधाम । धनुषाबाट कटुवा पेस्तोलसहित प्रहरीले एक जनालाई पक्राउ गरेको छ ।
प्रहरीले सबैला नगरपालिका वडा नम्वर ८ ठिल्ला बस्ने ५१ वर्षीय रामईश्वर ठाकुरलाई पक्राउ गरेको हो ।
प्रहरीका अनुसार, शुक्रबार साँझ ५० वर्षीया श्रीमती रामकाशी देवीलाई कुटपिट गर्ने र हतियार देखाई ज्यान मार्ने धम्की दिइरहेका थिए ।
सो सूचनाको आधारमा पुगेको इलाका प्रहरी कार्यालय सबैला धनुषाबाट पुगेको प्रहरी टोलीले उनको घर खानतलासी गर्दा ९ इन्च लम्बाइ भएको कटुवा पेस्तोल बरामद भएपछि निजालाई पक्राउ गरिएको हो ।
पक्राउ परेका उनीमाथि आश्वयक अनुसन्धान गरिरहेको जनाइएको छ ।