बाराबाट पक्राउ परे हेटौंडाका युवक

बारा । बाराबाट लागूऔषध गाँजासहित मंगलबार हेटौंडाका एक युवक पक्राउ परेका छन् ।

पक्राउ पर्नेमा मकवानपुरको उपमहानगरपालिका–३ बस्तीपुर बस्ने २७ वर्षीय पवन गिरी रहेका छन् ।

जिल्लाको जितपुर सिमरा उपमहानगरपालिका–७ टेढारोडबाट अवैध लागूऔषध गाँजा करिब ५ किलोसहित गिरी पक्राउ परेको प्रहरीले जनाएको छ ।

उनलाई ईलाका प्रहरी कार्यालय जितपुरबाट खटिएको प्रहरीले उक्त गाँजासहित पक्राउ गरेको हो ।

साथै प्रहरी टोलीलाई देख्नासाथ १ जना व्यक्तिले झोला छाडी फरार भएका छन् । फरार उनको खोजीकार्य जारी रहेको र घटनाको बारेका आवश्यक अनुसन्धान गरिरहेको जनाइएको छ ।