बाँसबारी जग्गा प्रकरण: पक्राउ परेका चौधरी र थापा अस्पताल भर्ना

काठमाडौं । सरकारी जग्गा हिनामिना गरेको आरोपमा बिहीबार पक्राउ परेका व्यवसायी अरुण चौधरी र छालाजुत्ता कारखानाका तत्कालीन सञ्चालक अजितमानसिंह थापा (चिरायु) अस्पताल भर्ना भएका छन् ।

स्वास्थ्यमा समस्या देखिएको भन्दै उनीहरुलाई महराजगञ्जस्थित अस्पताल भर्ना गरिएको प्रहरी स्रोतले जनाएको छ ।

जिल्ला अदालत, काठमाडौंले उनीहरुलाई ४ दिन हिरासतमा राखेर अनुसन्धान गर्न अनुमति दिएको छ ।

फर्काएर ल्याउँदा ८२ वर्षीय थापालाई मुटुमा समस्या र चौधरीलाई पनि रक्तचापको समस्या भएको भन्दै अस्पताल भर्ना गरिएको हो ।

सोही प्रकरणमा सीजी चाँदबागका अध्यक्ष सञ्जय ठाकुरलाई पनि पक्राउ गरेको छ । उनलाई आज अदालतमा उपस्थित गराएर म्याद थप गर्ने तयारी गरिएको जनाइएको छ ।