दुई जना युवकमाथि खुकुरी प्रहार

चितवन । चितवनको रत्ननगर नगरपालिका–१० स्थित बकुल्लर चोकमा दुई जना युवामाथि अज्ञात समूहले खुकुरी प्रहार गरेका छन् ।

बकुल्लर चोकमा रहेको लालटिन क्याफेमा नवलपुर गैँडाकोट घर भएका २५ वर्षीय सौगात सापकोटा र ३१ वर्षीय सुजन जिसीमाथि खुकुरी प्रहार भएको हो ।

खुकुरी प्रहारबाट सौगातको टाउकोमा र सुजनको दुवै हातमा चोट लागेको इलाका प्रहरी कार्यालय टाँडीले जनाएको छ ।

घाइतेहरूलाई उपचारका एलाइभ अस्पताल भरतपुर रिफर गरिएको छ । आक्रमणमा संलग्न आरोपीहरू भागेका छन् ।

घटनाबारे इलाका प्रहरी कार्यालय टाँडीले अनुसन्धान गरिरहेको छ ।

साथै प्रहरीले घटनास्थलबाट ब्रेजा कार बरामद गरेको छ ।