नगद रकमसहित ९ जुवाडे प्रहरीको नियन्त्रणमा

कास्की । प्रहरीले कास्कीबाट नगद रकमसहित ९ जना जुवाडेलाई नियन्त्रणमा लिएको छ । जिल्ला प्रहरी कार्यालय कास्कीबाट खटिएको प्रहरीले बिहीबार उनीहरूलाई नगद ९४ हजार ४० रूपैयाँ र ३ बुक ताससहित पक्राउ गरेको हो ।

जिल्लाको पोखरा महानगरपालिका–५ जिरो किमीस्थित धौलागिरी आगमन रेष्टुरेन्ट एण्ड लजमा जुवातास खेलिरहेको अवस्थामा उनीहरुलाई पक्राउ गरेको प्रहरीले जनाएको छ ।

पक्राउ पर्नेमा सोही महानगरपालिका–५ प्रस्याङ बस्ने म्याग्दी धौलागिरी गाउँपालिका–१ घर भएका ५१ वर्षीय पदम लामा समेत ९ जना रहेका छन् ।

पक्राउ परेका उनीहरुमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।