एमाले प्रमुख सचेतकमा मकवानपुरका बर्तौला
तु खबर संवाददाता२०८० फाल्गुन २२,मंगलवार १५:२३
मकवानपुरं । नेकपा एमाले संसदीय दलको प्रमुख सचेतकमा मकवानपुरका महेश बर्तौला बढुवा भएका छन् ।
एमाले संसदीय दलका नेता समेत रहेका केपी शर्मा ओलीले मंगलबार बर्तौलालाई प्रमुख सचेतकमा बढुवा गरेका हुन् ।
यसअघि प्रमुख सचेतक बनेका पदम गिरी मन्त्री भएपछि बर्तौलालाई प्रमुख सचेतकको जिम्मेवारी दिइएको हो । बर्तौला यसअघि सचेतक रहेका थिए ।
बर्तौला मकवानपुर २ मा नेकपा एकीकृत समाजवादीका विरोध खतिवडालाई पराजित गरेर निर्वाचित भएका हुन् ।