भिजिट भिसामा यूएई जान लागेका ३ महिला विमानस्थलबाट फिर्ता

काठमाडौं । भिजिट भिसामा यूएई जान लागेका ३ जना महिला विमानस्थलबाट फिर्ता भएका छन् ।

हिमालय एयरलाइन्सबाट दूबई जान लागेका उनीहरुलाई बिहीबार राति फर्काइएको त्रिभुवन अन्तर्राष्ट्रिय विमानस्थल सुरक्षा कार्यालयले जनाएको छ ।

विमानस्थल सुरक्षा कार्यालयका अनुसार, सोधपुछपछि शंकास्पद देखिँदा एजेन्टलाई पनि बोलाइएको थियो । त्यसक्रममा शंकास्पद रुपमा यूएई पठाउन लागेको खुलेपछि फर्काइएको हो ।

एजेन्ट रुपन्देहीको रुद्रपुरका भबिलाल थापालाई प्रहरीले नियन्त्रणमा लिई आवश्यक अनुसन्धानका लागि उपत्यका अपराध अनुसन्धान कार्यालय पठाइएको जनाएको छ ।