आज तराईमा होली मनाइँदै

काठमाडौं । आज तराईका जिल्लामा होली पर्व मनाइँदैछ । पहाडी र हिमाली क्षेत्रमा हिजो आइतबार मनाइएको होली आज तराईमा हर्षोल्लासका साथ मनाइने भएको हो ।

वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व परम्परागत रूपमा विभिन्न रङ र लोला खेली मनाइँदै आएको छ ।

आज तराईका विभिन्न २१ जिल्लाहरूमा होली पर्व मनाइन्छ । सो अवसरमा सरकारले आज तराईका जिल्लाहरूमा सार्वजनिक विदा दिएको छ ।