होली खेलेर नुहाउने क्रममा तीन बालबालिका बेपत्ता

काठमाडौं । होली खेलेर नुहाउने क्रममा सुनकोशी नदीमा तीन जना बालबालिका बेपत्ता भएका छन् ।

आइतबार उदयपुर त्रियुगा नगरपालिका–१४ ढाप्लाङस्थित सुनकोशी नदीमा तीन जना बालबालिका बेपत्ता भएको प्रहरीले जनाएको छ ।

बेपत्ता भएका उनीहरुको खोजी गर्न सशस्त्र प्रहरी बलको गोताखोर परिचालन गरिएको छ ।

आइतबार साँझ अबेरसम्म सशस्त्र प्रहरी बल नं. ५ त्रियुगा गण उदयपुरले खोजतलास गरेका थिए । उनीहरु फेला नपरेपछि आज बिहान कोशी प्रदेश स्थित नं. १ बराह बाहिनी मुख्यालय सुनसरीबाट गोताखोर परिचालन गरिएको हो ।