हात्तीको आक्रमणबाट महिलाको मृत्यु

झापा । झापामा गएराति हात्तीको आक्रमणबाट एक महिलाको मृत्यु भएको छ ।

जिल्लाको कमल गाउँपालिका वडा नम्वर ५, गुह्येश्वरी टोलकी ५८ वर्षीया खड्गमाया लिम्बूको हात्तीको आक्रमणबाट मृत्यु भएको प्रहरीले जनाएको छ ।

प्रहरीका अनुसार, छिमेकी पवित्रा बेघाको घरमा सुतिरहेका बेला राति ११ः५० बजे हात्तीले घर भत्काउँन थालेपछि भाग्ने क्रममा लिम्बूमाथि आक्रमण भएको थियो ।

हात्तीको आक्रमणबाट उनको घटनास्थलमा नै मृत्यु भएको हो ।

लिम्बू परिवार केही वर्षदेखि रतुवामाई वृक्षरोपण आयोजनाको जङ्गल हातामा कटेरो बनाई बस्दै आएका थिए ।