स्नातक तह दोस्रो वर्षको परीक्षा स्थगित

काठमाडौं । त्रिभुवन विश्वविद्यालयको स्नातक तह दोस्रो वर्षको परीक्षा स्थगित भएको छ ।

त्रिभुवन विश्वविद्यालय, परीक्षा नियन्त्रण कार्यालयले वार्षिक परीक्षा प्रणाली अनुरूप २०८० चैत्र २८ गतेदेखि हुने भनिएको स्नातक तह दोस्रो वर्षको परीक्षा स्थगित गरेको हो ।

पूर्व प्रकाशित परीक्षा तालिका प्राविधिक कारणले २०८१ वैशाख १६ गतेदेखि सञ्चालन हुने गरी परीक्षा स्थगित गरिएको जनाइएको छ ।

परीक्षा दिउँसो १२ बजेदेखि दिउँसो ३ बजेसम्म संचालन हुनेछ ।

साथै परीक्षा दिनुपर्ने केही परीक्षार्थीहरूको परीक्षा आवेदन फाराम भर्न छुटेको भए चैत्र ३० गतेभित्र क्याम्पसमा फारम बुझाउन पनि आग्रह गरिएको छ ।