कोशी प्रदेश सभाको विशेष अधिवेशन आह्वान

विराटनगर । कोशी प्रदेश सभाको विशेष अधिवेशन बैठक आह्वान गरिएको छ । अधिवेशन बैठक आगामी वैशाख ६ गते बस्ने गरी बोलाइएको हो ।

प्रदेश प्रमुख पर्शुराम खापुङले प्रदेशसभाका एक चौथाइ भन्दा बढी प्रदेश सभा सदस्यहरूले दिएको पत्रको आधारमा उक्त अधिवेशन बैठक आह्वान गरेका हुन् ।

प्रदेश प्रमुख खापुङज्यूले नेपालको संविधानको धारा १८३ को उपधारा (३) बमोजिम अधिवेशन बैठक आह्वान गरेका हुन् ।

बैठक वैशाख ६ गते बिहीबार दिनको १ः०० बजे कोशी प्रदेश सभा हल, विराटनगरमा बस्ने गरी आह्वान गरिएको हो ।