हजुरआमाको हत्या गरेको अभियोगमा पक्राउ
तु खबर संवाददाता२०८० चैत्र ३०,शुक्रबार ०९:०९
पर्सा । आफ्नै हजुरआमा ८० वर्षीया सवरजिया देवी पाण्डेको हत्या गरेको अभियोगमा प्रहरीले पर्साबाट एक जनालाई पक्राउ गरेको छ ।
पक्राउ पर्नेमा जिल्लाको बिन्दवासनि गाउँपालिका–५ हस्वा टोल बस्ने ३० वर्षीय अजय कुमार पाण्डे रहेको प्रहरीले जनाएको छ ।
प्रहरीका अनुसार, जग्गा जमिनको विषयमा विवाद भई अजयले कुटपिट गर्दा सवरजिया गम्भीर घाइते भएकी थिइन् । उनको पोखरिया अस्पतालमा उपचारको क्रममा मृत्यु भएको हो ।
प्रहरी चौकी प्रसौनी भाटा र इलाका प्रहरी कार्यालय पोखरियाबाट खटिएको प्रहरीले अजयलाई पक्राउ गरेको हो ।
वत्रलाउ परेका उनीमाथि प्रहरीले आवश्यक अनुसन्धान गरिरहेको छ ।
