नेपाली सेनाको रिक्त पदमा दरखास्त आह्वान

काठमाडौं । नेपाली सेनाको रिक्त विभिन्न पदमा दरखास्त आह्वान गरिएको छ । नेपाली सेनाको भर्ना छनोट निर्देशनालय जङ्गी अड्डाले सैन्य तथा विभिन्न ट्रेडका फलोअर्स पदपूर्तिका लागि आवेदन माग गरेको छ ।

भर्ना छनोट निर्देशनालयले एक सार्वजनिक सूचना प्रकाशन गर्दै २ हजार ६ सय १५ रिक्त पदमा आवेदन मागेको हो ।

जारी सूचनामा नेपाली सेनाको स्वीकृत दरबन्दीभित्र रिक्त रहेका सैन्य तथा विभिन्न ट्रेडका फलोअर्स, सूचिकार, सपाइकर्मी, चर्मकर्मी, लोहाकार पदमा खुला तथा समावेशी प्रतियोगिताद्वारा पदपूर्ति गरिने उल्लेख छ ।

आगामी जेठ ५ गतेसम्म आवेदन दिन सकिने भए पनि दोब्बर दस्तुर तिरेर थप एक हप्ता फारम भर्न सकिने जनाइएको छ ।