बझाङमा २४ हजार ४९८ मतगणनाः कसको कति मत ?

काठमाडौं । बझाङ प्रदेश सभा १ मा हाल मतगणना जारी छ । पछिल्लो अपडेट अनुसार ३० हजार ३२८ मत खसेको बझाङमा २४ हजार ४९८ मतगाण्ना भइसकेको छ ।

अब ५ हजार ८३० मत गन्न बाँकी रहेको छ । उक्त मत गन्न बाँकी हुँदा नेपाली कांग्रेसका उम्मेदवार अभिषेक बहादुर सिंहले ९ हजार १६७ मत प्राप्त गरी अग्र स्थान कायमै राखेका छन् ।

यस्तै, एमालेका उम्मेदवार दमन बहादुर भण्डारीले ९ हजार ८४ मत प्राप्त गरी दोस्रो स्थान कायमै राखेका छन् ।

यसैगरी, नेकपा माओवादी केन्द्रका जनकबहादुर बुढा ३ हजार ५३५ मतसहित तेस्रो स्थान र एकीकृत समाजवादीका दिलबहादुर सिंह २ हजार ३४७ मतसहित चौथो स्थानमा रहेका छन् ।