लागूऔषधसहित मकवानपुरका एक जना पक्राउ

बारा । बाराको जितपुरसिमरा उपमहानगरपालिका–२१ स्थित सडकबाट अवैध लागूऔषध गाँजासहित बिहीबार एक जना पक्राउ परेका छन् ।

पक्राउ पर्नेमा मकवानपुरको हेटौंडा उपमहानगरपालिका–१९ बस्ने ३१ वर्षीय दिपक बैजु रहेका छन् ।

उनलाई गाँजा ५ किलो ४ सय ग्रामसहित इलाका प्रहरी कार्यालय अमलेखगंजबाट खटिएको प्रहरीले पक्राउ गरेको हो ।

बनेपाबाट पर्सा ठोरीतर्फ जाँदै गरेको ना.७ ख ७१३२ नम्बरको बसमा सवार उनलाई उक्त गाँजासहित पक्राउ गरेको प्रहरीले जनाएको छ ।

पक्राउ परेका उनीमाथि प्रहरी आवश्यक अनुसन्धान गरिरहेको छ ।