बागमती संसदीय समितिको सभापतिका लागि आज मनोनयन दर्ता हुँदै

मकवानपुर । बागमती प्रदेश संसदीय समितिको सभापतिको निर्वाचनको लागि आज मनोनयन दर्ता हुँदैछ ।

प्रदेश सभा सचिवालय हेटौंडाले सार्वजनिक गरेको निर्वाचन कार्यक्रम तालिका अनुसार आज मनोनयन दर्ता हुने भएको हो ।

प्रदेश सभाका प्रदेश मामिला समिति, अर्थ तथा विकास समिति, सार्वजनिक लेखा समिति, उद्योग पर्यटन तथा वातावरण समिति र शिक्षा, स्वास्थ्य तथा कृषि समितिको सभापति पदको निर्वाचनका लागि दलहरूले उम्मेदवार सिफारिस गरी मनोनयन दर्ताको कार्यक्रम रहेको छ ।

सम्बन्धित समितिको सभापति पदमा निर्वाचनमा उम्मेदवार बन्न सो समितिका सदस्यले एक जना सदस्यको समर्थनसहित समितिको सभापति निर्वाचित गरियोस् भन्ने प्रस्तावमा पेस गर्नुपर्ने हुन्छ । उक्त प्रस्तावको आधारमा सचिवालयले निर्वाचन कार्यक्रम अनुसार प्रक्रिया अघि बढाउने जनाएको छ ।

हेर्नुहोस् कार्यतालिकाः