हावाहुरीले ढलेको रुखले च्यापिएर किशोरीको मृत्यु
तु खबर संवाददाता२०८१ जेष्ठ २४,बिहीबार ०९:२०
धनगढी । कैलालीमा बुधबार राति हावाहुरीले ढलेको रुखले च्यापिएर एक किशोरीको मृत्यु भएको छ ।
हावाहुरीले ढलेको रुखले च्यापिएर जिल्लाको टीकापुर नगरपालिका–१ विशालनगर बस्ने १५ वर्षीया प्याउरी बिकको मृत्यु भएको प्रहरीले जनाएको छ ।
प्रहरीका अनुसार, घर नजिकैको साजको रुख घरको आगनमा ढलेको थियो । गर्धनमा हाँगाले लागेर च्यापिएकी बिकको घटनास्थलमै मृत्यु भएको हो ।