मलेसियामा दुई नेपाली बालबालिकालाई उपाधि

काठमाडौं । मलेसियामा आयोजित अन्तर्राष्ट्रिय सौन्दर्य प्रतियोगिता ‘ग्राण्ड ग्लोवल एम्बेसडर इन्टरनेशनल २०२४’ को उपाधि दुई नेपाली बालबालिकाले जितेका छन् । उपाधि जित्नेहरुमा नेपाली बालबालिका श्रीजल यादव र सिकुम हाङ्गमा सुब्बा रहेका छन् ।

कोटाकिना बालु सहरमा जुन ५ देखि ९ सम्म आयोजना भएको प्रतियोगीतामा यादवले ‘किड युनिभर्स’ र सुब्बाले ‘ग्राण्ड वीनर किड करिस्मा’ नामक दुई उपाधि हाँसिल गरेका हुन् ।

प्रतियोगीतामा यादवले किड बेष्ट फर्मल अटायर र किड इन्टिलिजेन्ट अवार्ड समेत हात पर्दा सुब्बाले बेष्ट क्याजुअल अटायर र किड फ्रेड्ली अवार्ड जितिन् ।

‘ग्राण्ड ग्लोबल एम्बेसडर इन्टरनेशनल’ मा नेपालको अलवा इन्डिया, मेलिसिया, सिंगापुर, फिलिपिन्स, साउथ कोरिया, ब्रुनाई लगायत विश्वका विभिन्न देशको बालबालिकाको सहभागीता रहेको थियो ।